თორნიკე შენგელიამ "ვირტუს ბოლონიასთან" ერთად იტალიის საკალათბურთო ჩემპიონატში პირველად ითამაშა.
ბოლონიელებმა საშინაო არენაზე "ვენეციას" უმასპინძლეს და მიუხედავად პირველ მეოთხედში წაგებული 15 ქულისა, სასურველ შედეგს მიაღწიეს და მატჩი 4-ქულიანი უპირატესობით, ანგარიშით - 81:77, მოიგეს.
შენგელიამ შეხვედრა სასტარტო ხუთეულიდან დაიწყო და პარკეტზე ჯამში დაახლოებით 30 წუთის განმავლობაში იმყოფებოდა, რა დროშიც საკუთარ გუნდს - 15 ქულით, 8 მოხსნით, 2 შედეგიანი გადაცემით და 1 ჩაჭრით დაეხმარა.
აღნიშნული გამარჯვებით "ვირტუს ბოლონია" იტალიის სატურნირო ცხრილს "ოლიმპია მილანოსთან" ერთად, 18 მოგებით და 3 მარცხით ლიდერობს.
საქართველოს ნაკრების კაპიტნის გუნდი, მომდევნო შეხვედრას 23 მარტს, თბილისის დროით 21:15 საათზე, Eurocup-ის ეგიდით, ბერძნული "პრომითეას" წინააღმდეგ გამართავს.
საომარი მოქმედებებიდან გამომდინარე საქართველოს ეროვნული ნაკრების კაპიტანი იტალიურ კლუბს მოკლევადიანი კონტრაქტით, სეზონის ბოლომდე შეუერთდა.
.32.webp)
