შენგელიას 13 ქულა - ვირტუსმა ტორტონას მეორე მატჩიც მოუგო
იტალიის საკალათბურთო ჩემპიონატის ფლეიოფის ნახევარფინალური ეტაპის შეხვედრაში ,,ვირტუსმა” შინ ,,ტორტონა” 21-ქულიანი სხვაობით, ანგარიშით 91:70 დაამარცხა და სერიაში 2:0 დაწინაურდა. ბოლონიელთა ძირითად ხუთეულში იყო საქართველოს ეროვნული ნაკრების კაპიტანი, თორნიკე შენგელია, რომელმაც 23 წუთში 13 ქულა, 3 შედეგიანი გადაცემა, 1 მოხსნა და 1 ჩაჭრა მოაგროვა. თოკომ 11-დან 5 ორქულიანი და 4-დან 3 საჯარიმო ჩააგდო. ,,ვირტუსს” 17 ქულით, 4 ასისტით, 2 მოხსნითა და 1 ჩაჭრით მილოშ ტეოდოსიჩმა ულიდერა. შენგელიას გუნდს ფინალში გასასვლელად ერთი მოგება სჭირდება. სერიის მომდევნო მატჩი 31 მაისს, ტორტონაში გაიმართება.
VITTORIA ANCHE IN GARA 2 ⚪️⚫️ La Virtus gira l’inerzia della gara nel secondo quarto e scappa nel terzo 🔥 17 per Teodosic, 13 di Shengelia, 10 per Tessitori e Mannion 👌🏼#WatchUs #LBA #TuttoUnAltroSport #LBAPlayoff2022 pic.twitter.com/F8KjRcr2pw — Virtus Segafredo Bologna (@Virtusbo) May 29, 2022