თორნიკე შენგელია ევროლიგაში მოასპარეზე ერთადერთი კალათბურთელი იქნება, რომელსაც სეზონის განმავლობაში ეროვნულ ნაკრებში თამაშის შესაძლებლობა ექნება. გავრცელებული ინფორმაციით, "ცსკა"-სთან კონტრაქტის გაფორმების დროს, აღნიშნული პუნქტი შენგელიას მოთხოვნით იქნა კონტრაქტში დამატებული.
შეგახსენებთ, "ბასკონიასთან" ერთად ესპანეთის "ლიგა ენდესას" ჩემპიონის ტიტულის მოპოვების შემდეგ, თორნიკე შენგელიამ "ცსკა"-სთან 3-წლიანი კონტრაქტი გააფორმა.