ევროლიგის მე-14 ტურში, ესპანური დაპირისპირება შედგა - "ვალენსიამ" შინ "ბასკონია" (105:77) დაამარცხა.
სტუმართა ძირითად შემადგენლობაში იყო და პარკეტზე 24:12 წუთი გაატარა თორნიკე შენგელიამ.
საქართველოს ნაკრების ფორვარდმა 15 ქულა ჩააგდო და ორმაგ დუბლამდე 2 მოხსნა დააკლდა.
შედეგიანობის თვალსაზრისით, შენგელია თავისი გუნდის შემადგენლობაში მეორე, მთლიანად შეხვედრაში კი მეოთხე იყო.
პარკეტი უქულოდ დატოვა მეტ ჯენინგმა. ეროვნული გუნდის ნატურალიზებულმა ამერიკელმა სტუმართა რიგებში 11:51 წუთი ითამაშა და 2 მოხსნა მიითვალა.
ბასკურ კლუბს ევროლიგაში 6 მოგება და 8 მარცხი აქვს, რა შედეგითაც მეათე ადგილს იკავებს, ფლეი-ოფში 8 საუკეთესო გუნდი გადის.
"ბასკონია" შემდეგ შეხვედრას კვლავაც ევროპის ყველაზე პრესტიჟულ საკლუბო ტურნირზე, მადრიდის "რეალის" წინააღმდეგ, 20 დეკემბერს გამართავს.