საკალათბურთო ჩემპიონთა ლიგის მეცხრე ტურში, გიორგი შერმადინის "ტენერიფემ" მონტენეგროულ "მორნარს" საშინაო კედლებში დიდი უპირატესობით - 91:61 მოუგო.
გამარჯვებაში უმთავრესი წვლილი გიორგი შერმადინს მიუძღვის. ქართველი ცენტრი, რომელიც შესანიშნავ ფორმაშია და ესპანეთის ჩემპიონატში სეზონის MVP-ის წოდებისთვის იბრძვის, შეხვედრის საუკეთესო მოთამაშე გახდა. 30 წლის კალათბურთელმა 22 ქულა ჩააგდო, 8 მოხსნა მოაგროვა და 1 შედეგიანი გადაცემა მოაგროვა.
მატჩში საქართველოს ნაკრების ყოფილმა წევრმა, ნატურალიზებულმა ამერიკელმა ჯეიკობ პულენმაც ითამაშა, რომელმაც პარკეტი 7 ქულით, 3 მოხსნით და 2 პასით დატოვა.
"ტენერიფე" 8 მოგებითა და 1 მარცხით, ჩემპიონთა ლიგაში ერთპიროვნული ლიდერია, შიდა ჩემპიონატში კი მეოთხე ადგილზე იმყოფება და ევროლიგაში მოხვედრის შანსიც აქვს.
შემდეგ შეხვედრას შერმადინის გუნდი ACB ლიგაში, 21 დეკემბერს, ბექა ბურჯანაძის "გრან კანარიას" წინააღმდეგ ჩაატარებს.
