ესპანეთის საკალათბურთო ჩემპიონატში საპლეიოფო დაპირისპირებები მიმდინარეობს, სადაც გიორგი შერმადინის "ტენერიფეც" ასპარეზობს.
აღსანიშნავია, რომ ქართველი ლეგიონერი ACB-ის საუკეთესო მოთამაშედ აღიარეს და პლეიოფშიც ღირსეულად ასპარეზობს.
შერმადინის გუნდის ოპონენტი ნატურალიზებული ქართველი კალათბურთელის თად მაკფადენის გუნდი "ბურგოსია", რომელთაც სერიაში 1:0-ს უგებდნენ.
სერიის მე-2 მატჩი "ბურგოსის" საშინაო არენაზე გაიმართა და "ტენერიფემ" დამაჯერებელი უპირატესობით, ანგარიშით 92:68 იმარჯვა და ნახევარფინალის საგზურიც გაინაღდა.
გიორგიმ პარკეტზე გატარებულ 27:18 წუთში 11 ქულა, 3 მოხსნა და 1 შედეგიანი გადაცემა მიითვალა, მისი მარგი ქმედების კოეფიციენტი კი +22 გახლდათ.
რაც შეეხება მაკფადენს, რომელმაც წინა შეხვედრაში საკუთარ გუნდს ვერცერთი ქულა ვერ მოუტანა, აღნიშნულ მატჩში მის ანგარიშზე 10 ქულა და 4 შედეგიანი გადაცემა იყო.
ნახევარფინალურ ეტაპზე "ტენერიფეს" ოპონირებას "ბარსელონასა" და "ხოვენტუდის" წყვილს შორის გამარჯვებული გაუწევს.