შერმადინის 17 ქულა და შენგელიას გამარჯვება ესპანეთის ჩემპიონატში

254
ნახვა

ესპანეთის ACB ლიგაში რიგით მეოთხე ტურის მატჩები გაიმართა, სადა ტრადიციულად საქართველოს ნაკრების წევრებმაც მიიღეს მონაწილეობა.

თორნიკე შენგელიას “ბასკონიამ” “ფუენლაბრადა”  სტუმრად 60:110 გაანადგურა და მესამე გამარჯვება მოიპოვა. შეხვედრის ხასიათიდან გამომდინარე, “ბასკონიას” ქართველი კაპიტანი დიდად არ დატვირთულა – მისმა მონაგარმა 19:14 წუთში 9 ქულა, 2 მოხსნა და 3 პასი შეადგინა.

გიორგი შერმადინის “უნიკახამ” “გრან კანარია” შინ 89:76 დაამარცხა. გიომ შესანიშნავად იასპარეზა და 24:23 წუთში თავი 17 ქულასა და 5 მოხსნას მოუყარა, მისმა მარგი ქმედების კოეფიციენტმა კი 21 შეადგინა და პარკეტზე მხოლოდ ბრწყინვალედ მოასპარეზე თანაგუნდელს ხაიმე ფერნანდესს ჩამორჩა (24 ქულა, 3 მოხსნა, 3 პასი, მარგი ქმედების კოეფიციენტი 24).

ბექა ბურჯანაძის “გიპუზკოა” ქართული პასპორტის მქონე ამერიკელის, ტად მაკფადენის “ტენერიფეს” დაუპირისპირდა და ოვერტაიმში 73:79 დამარცხდა. სამწუხაროდ, ბექა განაცხადში არ იმყოფებოდა, რაც შეეხება მაკფადენს, მან 25:34 წუთში 18 ქულა, 3 მოხსნა და 4 პასი მოაგროვა, მარგი ქმედების კოეფიციენტის გრაფაში კი 20 ჩაიწერა, რაც ორივე გუნდის შემადგენლობაში საუკეთესო მაჩვენებელი იყო.

(254)

შერმადინის 17 ქულა და შენგელიას გამარჯვება ესპანეთის ჩემპიონატში

სტატიის ავტორი
-