ჩემპიონთა ლიგის პლეი-ოფში გიორგი შერმადინის "ტენერიფემ" მოულოდნელად წააგო და ტურნირს ნაადრევად გამოეთიშა.
მეოთხედფინალურ ეტაპზე ესპანური გუნდი რუსეთში, ნეიტრალურ მოედანზე, "სტრასბურგს" დაუპირისპირდა და ოვერტაიმში - 86:88 დამარცხდა.
შერმადინი "ტენერიფეს" რიგებში დღესაც გამორჩეული იყო - 32 წლის ცენტრმა პარკეტზე გატარებულ 35 წუთში 19 ქულა (6-დან 4 ორქულიანი, 12-დან 11 საჯარიმო) , 5 მოხსნა, 4 გადაცემა, 3 დაფარება და 1 ჩაჭრა მიითვალა.
საქართველოს ნაკრების კალათბურთელი თავის გუნდში ყველაზე შედეგიანი იყო, "სტრასბურგის" რიგებში კი ამერიკელმა გამთამაშებელმა, ბრენდონ ჯეფერსონმა 22 ქულა ჩააგდო.
