თორნიკე შენგელია და ვირტუსი ახალ კონტრაქტზე შეთანხმდნენ
საქართველოს ეროვნული ნაკრების კაპიტანი, თორნიკე შენგელია ,,ვირტუსთან'' ახალ, 2-წლიან ხელშეკრულებას გააფორმებს. ინფორმაციას La Gazzetta dello Sport-ი ავრცელებს. გამოცემის ცნობით, მხარეები კონტრაქტის დეტალებზე უკვე შეთანხმდნენ და გარიგება ოფიციალურად მალე დადასტურდება. შენგელია ბოლონიური კლუბის ძირითადი ხუთეულის უცვლელი წევრია - 30 წლის კალათბურთელმა ,,ვირტუსთან'' ერთად ევროთასი მოიგო და ევროლიგის საგზური გაიფორმა. გარდა ამისა, სკარიოლოს გუნდი იტალიის ჩემპიონატის ფინალშია, სადაც ,,მილანთან'' სერიაში ანგარიში 1:1-ია. ქართველი ფორვარდი მოსკოვის ,,ცსკა-დან”, სადაც 2020 წლიდან თამაშობდა, 26 თებერვალს წამოვიდა. მანამდე თორნიკემ სოციალურ ქსელში უკრაინის დროშა გამოაქვეყნა და დაწერა: ,,ვლოცულობ უკრაინისთვის! გამაგრდით!”
Toko Shengelia pronto a restare alla Virtus Bologna! 🤝🇬🇪 #EurosportBASKET | #Virtus | #Shengelia https://t.co/huwcdmgzxs — Eurosport IT (@Eurosport_IT) June 12, 2022