საქართველოს ნაკრების მძიმე ფორვარდის, თორნიკე შენგელიას "ბასკონია" ევროპის ნომერ პირველ საკლუბო გათამაშებაში წარმატებით ჩაერთო.
ევროლიგის პირველ ტურში თოკოს კლუბი სტუმრად 15 000 მაყურებლის თვალწინ ლიტვურ "ჟალგირისს" დაუპირისპირდა და 79:87 გაიმარჯვა.
თორნიკემ პარკეტზე 27:54 წუთი გაატარა და ამ დროის მანძილზე 12 ქულა 6 მოხსნა და 1 ჩაჭრა დააგროვა. მისმა მარგი ქმედების კოეფიციენტმა კი 18 შეადგინა, რაც ჯეისონ გრეინჯერის შემდეგ (მარგი ქმედების კოეფიციენტი 21) მეორე შედეგი იყო.
ევროლიგაზე შემდეგ მატჩს "ბასკონია" 17 ოქტომბერს, შინ, "ოლიმპიაკოსის" წინააღმდეგ გამართავს.