თორნიკე შენგელიას ბასკონიამ მნიშვნელოვანი გამარჯვება მოიპოვა

მას შემდეგ რაც კორონავირუსის პანდემიამ ყველა სპორტული ღონისძიება შეაჩერა, ესპანეთის საკალათბურთო ჩემპიონათი არასტანდარტული ფორმატით გაგრძელდა. ახალ ფორმატში ქართველი ლეგიონერების გუნდები უდანაკარგოდ მოხვდნენ და საკმაოდ საინტერესო შეხვედრებსაც მართავენ. თორნიკე შენგელიას "ბასკონიამ" დღეს უმნიშვნელოვანეს დაპირისპირებაში გიორგი შერმადინის ყოფილი გუნდი "უნიკახა" ოვერტაიმში 1-ქულიანი უპირატესობით დაამარცხა. ქართველმა კალათბურთელმა პარკეტზე 27 წუთი და 3 წამი გაატარა, რა დროშიც 9 ქულას, 1 ბლოკშოტს, 4 მოხსნასა და 7 შედეგიან გადაცემას მოუყარა თავი.

El Kirolbet @Baskonia triunfa en la prórroga de un partido vibrante contra @unicajaCB (87-86) y se acerca a semifinales.#LigaEndesa pic.twitter.com/7FRfguHjOp — Liga Endesa (@LigaEndesa) June 23, 2020