გრძელდება შემოდგომის რიგით პირველი სუმოს ტურნირი აკი ბაშო, სადაც ასპარეზობას განაგრძობს ქართველი გოლიათი ლევან გორგაძე, იგივე ტოჩინოშინი.
დღეს, ქართველი სეკიტორის წინააღმდეგ სეკივაკე იჩინოჯო დადგა. გასული 6 დღის გათვალისწინებით იჩინოჯოსთან შეხვედრაში ლევანი უპირობო ფავორიტად მოიაზრებოდა, თუმცა ქართველს მუხლის ტრავმასთან, აკი ბაშოს მეოთხე დღის ბრძოლის დროს წარბზეც მიადგა ზიანი, სადაც 6 ნაკერი დაადეს, სწორედ ამიტომ შეხვედრას საკმაოდ დაძაბული მოლოდინი ჰქონდა.
საკმაოდ მძლავრი ტაჩიაის (ტაჩიაი - სასტარტო შეჯახება) შემდეგ ლევანმა შესანიშნავად შეარჩია პოზიციები, თითქმის არანაირი საშუალება არ მისცა მეტოქეს შეტევის დაწყებისათვის და იორიკირის ილეთით გააძევა დოჰიოდან. შეგახსენებთ, რომ ლევანის მეტოქე დღეს 227 კილოგრამიანი სუმოისტი, მონღოლი გოლიათი - იჩინოჯო გახლდათ.
ტრადიციულად აღვნიშნოთ, რომ შეუპოვარი ქართველის მთავარი მიზანი აკი ბაშოზე დადებითი ბალანსის დაფიქსირებაა, ანუ 15-დან 8 ბრძოლის მოგება. შეგახსენებთ, იგი კადობანშია ჩაყენებული და ამ მდგომარეობიდან ამოსასვლელად აუცილებლად სჭირდება დადებითი ბალანსი (კადობანი – სიტუაცია, როდესაცოძეკისრანგისმქონესუმოისტიუარყოფითბალანსსდააფიქსირებსდასაფრთხისქვეშდააყენებსთავისწოდებას. ზედიზედორბაშოზეუარყოფითიბალანსისდაფიქსირებისშემთხვევაშიიგიდაემშვიდობებასაკუთარწოდებას).
დღევანდელი გამარჯვებით ლევან გორგაძე ანუ ტოჩინოშინი კიდევ უფრო მიახლოვდა სასურველ შედეგს, მან დღეს მე-5 გამარჯვება ჩაიწერა აქტივში 2 დასანანი მარცხის პირისპირ, ასე რომ სულ რაღაც 3 ორთაბრძოლის მოგება აკლია ქართველ ფალავანს ოძეკის სტატუსის შესანარჩუნებლად.
ხვალ, 16 სექტემბერს, აკი ბაშოს მე-8 დღე გაიმართება, სადაც ლევან გორგაძის მეტოქე იაპონელი ოძეკი გოეიდო იქნება. ჩვენი ხვალინდელი მეტოქე წლების განმავლობაში ოძეკის სტატუსით მოასპარეზე, საკმაოდ გამოცდილი სუმოისტია, რომელსაც აკი ბაშოზე მხოლოდ 1 წაგება აქვს აქტივში. ურთიერთშეხვედრებში იაპონელი ფლობს უპირატესობას, აქამდე გამართული 25 შეხვედრიდან 15-ში გამარჯვებული გოეიდო გახლდათ, ხოლო 10 ბრძოლა ტოჩინოშინის აქტივშია.
იაპონელი კომენტატორების აზრით, სწორედ ტოჩინოშინისა და გოეიდოს დაპირისპირება იქნება დღის ცენტრალური შეხვედრა. ქართველი და იაპონელი ოძეკების დაპირისპირებას დაახლოებით 12:20 საათიდან ველოდებით.
შეგახსენებთ, სუმოს პირდაპირი რეპორტაჟის ყურება ქართული კომენტირებით ყოველდღიურად 11:00 საათიდან შეგიძლიათ ჩვენს ფეისბუქ გვერდზე Live.ge.