აშშ-ში, ფლორიდის შტატში, ისტორიაში პირველად ბალიშებით ჩხუბის ჩემპიონატი ჩატარდა. უჩვეულო ჩემპიონატში მონაწილეობა 16-მა კაცმა და 8 ქალმა მიიღო.
ქალთა შორის ჩემპიონის ტიტული ბრაზილიელმა ისტელა ნუნეშმა მოიპოვა, რომელმაც ფინალში ამერიკელი კენდალ ველკერი დაამარცხა. კაცთა შორის გამარჯვებული ამერიკელი ჰაული ტილმანი გახდა, რომელმაც თანამემამულე მარკუს ბრიმიჯი დაამარცხა. საპრიზო თანხის სახით, გამარჯვებულებმა $5,000 მიიღეს.
