ანზორ მექვაბიშვილი: "მხოლოდ გამარჯვებისთვის ვითამაშებთ"

"კონფერენს ლიგაზე ჩვენი მეტოქის ვინაობა გაირკვა და ჩვენც მაქსიმალური მობილიზებით ვემზადებით ამ შეხვედრისთვის. ჩვენთვის ყველა ეტაპზე გამოსვლა ძალიან მნიშვნელოვანია და რა თქმა უნდა, შევეცდებით მაქსიმალურად შორს გავიდეთ. შეხვედრის წინ გვექნება ინფორმაციების განხილვა და მაქსიმალურად დალაგებულად მოვემზადებით მოახლოებული შეხვედრისთვის. მინდა ხალხს სტადიონზე მოსვლისკენ მოვუწოდო. რადგანაც ეს ადამიანები ძალიან მაგარ ატმოსფეროს ქმნიან და მეტოქეს ასე ვთქვათ, კლანჭებში ამყოფებენ. სწორედ ამიტომ, ვითხოვ მათ მხარდაჭერას. გულშემატკივარს სტადიონზე მოსვლისკენ და მხარდაჭერისკენ მოვუწოდებ. თანაც, პირველი მატჩი საშინაო კედლებში გვაქვს და ჩვენ მხოლოდ და მხოლოდ გამარჯვებისთვის ვიბრძოლებთ", - თქვა საქართველოს ნაკრების ახალწვეულმა.