Belive

ჯოშუა Vs. ფიური | ეპოქალური ბრძოლის კონტრაქტს ხელი მოეწერა

3 წლის წინ სხვა
2 წთ
WBA, WBC, IBF-ისა და WBO-ს ვერსიით, მძიმეწონითი კატეგორიის მსოფლიო ჩემპიონის ტიტულისათვის სახელოვანი ბრიტანელი მოკრივეები ენტონი ჯოშუა და ტაისონ ფიური დაუპირისპირდებიან ერთმანეთს. ოფიციალურად - ენტონი ჯოშუასა და ტაისონ ფიურის ეპოქალური ბრძოლის კონტრაქტზე ხელი მოწერილია. აღნიშნულ ინფორმაციას, პრომოუტერი ედი ჰერნი ავრცელებს. ჰერნის მტკიცებით, კონტრაქტზე ხელი ორივე მხარემ მოაწერა. ლეგენდარული ბრიტანული ბრძოლის თარიღი და ადგილმდებარეობა უახლოესი კვირების მანძილზე გახდება ცნობილი. ჯოშუასა და ფიურის დაპირისპირება, ბრიტანული კრივის ისტორიაში უდიდეს დაპირისპირებად შეფასდა.
Untitled

გარიგების წარმატებით დასრულებისა და კონტრაქტზე ხელის მოწერის შემდეგ, პრომოუტერები ედი ჰერნი, ბობ არუმი და ფრენკ უორენი საბოლოო დეტალებს შეათანხმებენ, რათა ბრძოლის ზუსტი თარიღი და ადგილმდებარეობა დადგინდეს. წყაროს მტკიცებით, ბრძოლის თარიღისა და ადგილმდებარეობის შესახებ, ზუსტი ინფორმაცია 1 თვეში გავრცელდება.
"ადგილმდებარეობის შესახებ ზუსტი ინფორმაცია 1 თვეში გვექნება. ორივე მხარისათვის იდეალური პირობების შეთავაზება და კონტრაქტზე ხელის მოწერა ყველაზე დიდ სირთულეს წარმოადგენდა, რომელიც უკვე მოგვარებულია. ახლო აღმოსავლეთიდან, აზიიდან ევროპიდან და ამერიკიდან უამრავი შემოთავაზება მივიღეთ. ჯოშუასა და ფიურის ბრძოლა კრივის ისტორიაში შევა და მსოფლიოს ერთ-ერთ გამორჩეულ ივენთად დარჩება - აღნიშნულიდან გამომდინარე, ბრძოლის მასპინძლობა ნებისმიერი ქვეყნისთვის უდიდესი გამარჯვების ტოლფასი იქნება", - აღნიშნა ედი ჰერნმა.

სხვა სტატიები