დღეს, 22 თებერვალს, სტარტი დიუსელდორფის გრანდ სლემის მეორე საშეჯიბრო დღემ აიღო, სადაც საქართველოს ნაკრების ღირსებას 4 ფალავანი იცავს: ლაშა შავდათუაშვილი და ფრიდონ გიგანი -73 კგ წონით კატეგორიაში ასპარეზობენ, ხოლო -81 კგ-ში კი, ნუგზარ ტატალაშვილი და ტატო გრიგალაშვილი იბრძოლებენ მედლებისთვის.
-73 კგ წონით კატეგორიაში ფრიდონ გიგანი ასპრეზობაში პირველივე ეტაპიდან ჩაერთო და მისი მეტოქე ფარეს ბადავი იყო, რომელიც მან დაამარცხა და მეორე რაუნდში ასპარეზობის უფლება მოიპოვა, სადაც მაროკოელ - აჰმეტ ელ მეზიეტს შეხვდება.
ხოლო -81 კგ წონით კატეგორიაში კი ტატო გრიგალაშვილი ასპარეზობას მეორე რაუნდიდან იწყებს და მისი მეტოქე მსოფლიოს ჩემპიონი, უძლიერესი იაპონელი და 2016 წლის ოლიმპიადაზე ბრინჯაოს მედლის მფლობელი - ტაკანორი ნაგასე იქნება.