წყალბურთის ჩემპიონთა ლიგის მე-2 ტური დასრულებულია - ევროპის საუკეთესო გუნდების შერკინების შემდეგ, ევროპის ცურვის ლიგამ (LEN) ტურის საუკეთესო გოლები გამოარჩია.
აღსანიშნავია, რომ საუკეთესო შორის, მეორე პოზიციაზე "დინამო თბილისის" ყოფილი წყალბურთელის, ნიკა შუშიაშვილის გოლი დასახელდა: "ნოვი ბელგრადის" მოთამაშემ "ოლიმპიაკოსს" ეფექტური გოლი გაუტანა და LEN-ის ყურადღების ცენტრში მოექცა.
რეიტინგში პირველი პოზიცია გამოცდილმა ნიკშა დობუდმა დაიკავა, რომელმაც შეხვედრის განმავლობაში, "დინამო თბილისს" არაერთი პრობლემა შეუქმნა და მეორე მეოთხედის მიწურულს, ეფექტური კომბინაციის შედეგად, ჩინებული გოლი გაიტანა.