ლივერპული საცხოვრებელ ადგილს იცვლის – იურგენ კლოპის გუნდს ახალი ბაზა ექნება 

“ლივერპული” მალე ახალ ბაზაზე ივარჯიშებს. ამის შესახებ ინფორმაციას თავად კლუბის ოფიციალური გვერდი ავრცელებს.

მერსისაიდელებმა Twitter-ში გაავრცელეს ვიდეო, სადაც მათი ახალი საწვრთნელი ბაზის შიდა და გარე ინფრასტრუქტურა ჩანს.

ცნობილია, რომ “ლივერპული” ბინას კირკბიში დაიდებს, სადაც გუნდი ნოემბრის შუა რიცხვებში გადაბარგდება. 1950-იანი წლებიდან მოყოლებული, “წითლები” “მელვუდში” ვარჯიშობენ.

მოხარულები ვართ, რადგან კომპანია AXA-სთან ჩვენი პარტნიორობა გავაფართოვეთ. ამ კომპანიამ კირკბიში ჩვენი ახალი ბაზა ააშენა და თანამედროვე ობიექტიც ამ სახელით იქნება ცნობილი”, – წერს გუნდის პრესსამსახური.

ახალ ბაზაზე გადასვლის ერთ-ერთი მიზეზი ის გახლავთ, რომ იქ ახალგაზრდა ფეხბურთელები ვარჯიშობენ და ისინი მთავარ გუნდთან ახლო კონტაქტში იქნებიან.

6 ტურის შემდეგ, იურგენ კლოპის გუნდი ინგლისის პრემიერლიგაში 13 ქულით, თანაქალაქელ “ევერტონთან” ერთად ლიდერობს.

(77)

ლივერპული საცხოვრებელ ადგილს იცვლის – იურგენ კლოპის გუნდს ახალი ბაზა ექნება 

სტატიის ავტორი
-