ლივერპული საცხოვრებელ ადგილს იცვლის - იურგენ კლოპის გუნდს ახალი ბაზა ექნება 

"ლივერპული" მალე ახალ ბაზაზე ივარჯიშებს. ამის შესახებ ინფორმაციას თავად კლუბის ოფიციალური გვერდი ავრცელებს. მერსისაიდელებმა Twitter-ში გაავრცელეს ვიდეო, სადაც მათი ახალი საწვრთნელი ბაზის შიდა და გარე ინფრასტრუქტურა ჩანს. ცნობილია, რომ "ლივერპული" ბინას კირკბიში დაიდებს, სადაც გუნდი ნოემბრის შუა რიცხვებში გადაბარგდება. 1950-იანი წლებიდან მოყოლებული, "წითლები" "მელვუდში" ვარჯიშობენ. "მოხარულები ვართ, რადგან კომპანია AXA-სთან ჩვენი პარტნიორობა გავაფართოვეთ. ამ კომპანიამ კირკბიში ჩვენი ახალი ბაზა ააშენა და თანამედროვე ობიექტიც ამ სახელით იქნება ცნობილი", - წერს გუნდის პრესსამსახური.

We're delighted to expand our partnership with @AXA to include the naming rights of our new Training Centre in Kirkby 🙌 The state-of-the-art facility will be officially known as the @AXA Training Centre and marks our first training complex naming partner.#KnowYouCan | #AXA pic.twitter.com/XYCZtKCgt7 — Liverpool FC (@LFC) October 27, 2020