პოპულარული ამერიკელი სკეიტბორდერი ავიაკატასტროფაში დაიღუპა

პოპულარული ამერიკელი სკეიტბორდერი და იუთუბერი – ჯოშ ნიუმენი, ისლანდიაში მომხდარი ავიაკატასტროფის შედეგად დაიღუპა. ნიუმენის Youtube არხს დაახლოებით 1.2 მილიონი გამომწერი ჰყავს – სკეიტბორდერი მუდმივად ანახლებდა კონტენტს და საკუთარ გამომწერებს გასაოცარ ვიდეორგოლებს სთავაზობდა. სკეიტბორდინგის პარალელურად, ნიუმენი სკაიდაივინგითაც აქტიურად იყო გატაცებული.

ოფიციალური პირების განცხადებით, თვითმფრინავი, რომელშიც ნიუმენი იმყოფებოდა 3 თებერვალს გაუჩინარდა. ისლანდიის პოლიციის მიერ გამოქვეყნებულ ოფიციალურ განცხადებაში აღნიშნულია, რომ ნიუმენისა და მასთან ერთად მყოფი 3 ადამიანის ცხედარი რეიკიავიკთან ახლოს მდებარე ტბის სიღრმეში აღმოაჩინეს. 37 მეტრის სიღრმიდან დაღუპულების ცხედრების ამოტანის ოპერაცია 6 თებერვალს, უამინდობის გამო შეწყდა.

ჯოშ ნიუმენი ისლანდიაში კომერციული ვიდეორგოლის გადასაღებად იმყოფებოდა.

პოპულარული ამერიკელი სკეიტბორდერი ავიაკატასტროფაში დაიღუპა

სტატიის ავტორი
-