შონ ო'მალი: "დვალიშვილი დივიზიონის ყველაზე სახიფათო მებრძოლია"
1 წლის წინ
სხვა
2 წთ
"ჟოზე ალდოსა და მერაბ დვალიშვილის დაპირისპირება 20 აგვისტოს შედგება - წარმოუდგენლად მაგარი ბრძოლა იქნება. ვფიქრობ, ორივესთვის ძალიან რთული დაპირისპირება იქნება. მერაბი დივიზიონის ნებისმიერი მებრძოლისთვის ურთულესი მეტოქეა. დვალიშვილმა ზედიზედ 7 გამარჯვება მოიპოვა. მიუხედავად იმისა, რომ რეიტინგის 5 საუკეთესო მებრძოლს შორის არაა, დვალიშვილმა მარლონ მორაეში დაანოკაუტა და ალბათ, დივიზიონში ყველაზე სახიფათო მებრძოლია. ვინ გახდება გამარჯვებული? ძნელია ამის თქმა. პროგნოზის გაკეთებაში არც ისე კარგი ვარ...", - აღნიშნა შონ ო'მალიმ.შეგახსენებთ, მერაბ დვალიშვილი UFC-ის სუპერმსუბუქი წონითი კატეგორიის რეიტინგში მე-6 პოზიციაზე იმყოფება. ქართველმა უკანასკნელ ბრძოლაში, სახელოვანი მარლონ მორაეში ტექნიკური ნოკაუტით დაამარცხა. დოდსონის, სტამანისა და მორაეშის დამარცხების შემდეგ, დვალიშვილს პრინციპული გამოცდის ჩაბარება რეიტინგის მე-3 ნომრის, ლეგენდარული ჟოზე ალდოს წინააღმდეგ მოუწევს, რომელმაც 2020 წლის შემდეგ ოქტაგონზე ზედიზედ 3 გამარჯვება მოიპოვა.