“სხვა შემთხვევაში ტორპედოს არსებობა წარმოუდგენელია” – ქუთაისური კლუბის განცხადება 

602
ნახვა

ქუთაისის “ტორპედოში” არსებული მძიმე მდგომარეობის შესახებ კლუბის ოფიციალურმა Facebook-ის გვერდმა განცხადება გაავრცელა. კლუბში შექმნილი გაუსაძლისი პირობების გამო “ტორპედოს” ფეხბურთელებმა ვარჯიში შეწყვიტეს.

“ტორპედოში” ფინანსურმა პრობლემამ თავი თვეების წინ იჩინა, რის გამოც ფეხბურთელთა დიდმა ნაწილმა კლუბი დატოვა. მოვიდნენ ახალი ფეხბურთელები, გუნდმა გააგრძელა ჩემპიონატში ასპარეზობა, მიუხედავად არაერთი პრობლემისა ყოველთვის თავის ინტერესზე მაღლა გულშემატკივრისას აყენებდა… დრო გადიოდა, პრობლემები – რჩებოდა!

გვსურს ხაზგასმით აღვნიშნოთ, რომ მთელი ამ ხნის განმავლობაში საქართველოს ფეხბურთის ფედერაცია აქტიურადაა ჩართული “ტორპედოს” ყოველდღიურობაში. მიუხედავად იმისა, რომ ჩვენი კლუბი დღემდე კერძო მფლობელობაშია და ფეხბურთის ფედერაცია არაა ვალდებული ფინანსურად დაგვეხმაროს, მათგან “ტორპედო” დახმარებას ყოველდღე გრძნობს.

თამაშიდან თამაშამდე იქნება ეს ტრანსპორტირება, სასტუმროში დაბინავება თუ სხვა, სფფ “ტორპედოს” ეხმარება. გარდა ამისა, საქართველოს ფეხბურთის ფედერაციის პრეზიდენტის, ლევან კობიაშვილის მხრიდან იყო ფინანსური დახმარებაც, რითაც ფეხბურთელებს ერთი თვის ხელფასი დაურიგდათ, მაგრამ… არაა ფეხბურთის ფედერაცია ის, ვინც “ტორპედო” მთელი წელი უნდა აფინანსოს და ეს კარგად გვესმის!

დღეს კლუბი ახალი ინვესტორის ძიებაშია. ინვესტორის ძიების პროცესში აქტიურადაა ჩართული ქუთაისის მერია. ვიმედოვნებთ, რომ უახლოეს პერიოდში მოიძებნება ადამიანი, ვისაც ფეხბურთი უყვარს და “ტორპედოს” ამ მდგომარეობიდან გამოიყვანს. სხვა შემთხვევაში, არა თუ წარმატება, არამედ არსებობაც წარმოუდგენელია…”,-წერია “ტორპედოს” განცხადებაში.

 

 

(602)

“სხვა შემთხვევაში ტორპედოს არსებობა წარმოუდგენელია” – ქუთაისური კლუბის განცხადება 

სტატიის ავტორი
-