თანამშრომლობა გრძელდება: საქართველოს ძიუდოს ფედერაციამ და Live.ge-მ თანამშრომლობის მემორანდუმი გაახანგრძლივეს

საქართველოს ძიუდოს ეროვნულ ფედერაციასა და სპორტულ მედია პორტალ Live.ge-ს შორის მოქმედი ურთიერთთანამშრომლობის მემორანდუმი ერთი წლით გახანგრძლივდა. განახლებული მემორანდუმი ახალ პროექტებზე მუშაობას გულისხმობს, რომელიც ძიუდოს პოპულარიზაციასა და ამ სპორტში მიმდინარე ყველა საინტერესო სიახლის გავრცელებას ითვალისწინებს.

კოლაბორაციის პროცესში, Live.ge ძიუდოს ფედერაციის ოფიციალურ მედიაპარტნიორს წარმოადგენდა, რაც სიახლეების გაშუქების გარდა, სპორტსმენების ცნობადობის ამაღლებას, შიდა და საერთაშორისო ღონისძიებების მაქსიმალურ პოპულარიზაციას და ახალგაზრდებში სპორტული აქტივობების მიმართ ინტერესის გაზრდას ითვალისწინებდა.


“დიდი მადლობა მინდა გადავუხადო Live.ge-ის ჩვენი აქტიური მხარდაჭერისთვისა და ძიუდოს სიახლეების პროფესიონალურად გაშუქებისათვის. ჩვენ გვეძლევა საშუალება, რომ ენთუზიაზმითა და საერთო ძალებით, საზოგადოებამდე მივიტანოთ თითოეული ის პროექტი, რომელშიც საქართველოს ძიუდოს ეროვნული ფედერაცია და მასში მონაწილე წევრები მიიღებენ მონაწილეობას,” – განაცხადა ძიუდოს ეროვნულ ფედერაციის პრეზიდენტმა, გიორგი ათაბეგაშვილმა.

“თანამშრომლობა გრძელდება. ძიუდო საქართველში ერთ-ერთი ყველაზე წარმატებული სპორტია და მოხარულები ვართ, რომ ჩვენი თანამშრომლობაც ასე წარიმართა. ჩვენი მხრივ, შევეცდებით, ძიუდო გულშემატკივრებს მაქსიმალურად საინტერესო გზებით მივაწოდოთ და ასევე, ამ სპორტით რაც შეიძლება მეტი ადამიანი დავაინტერესოთ”, – აღნიშნა Live.ge-ის გენერალურმა დირექტორმა, დიმიტრი დოლიძემ.


(298)

თანამშრომლობა გრძელდება: საქართველოს ძიუდოს ფედერაციამ და Live.ge-მ თანამშრომლობის მემორანდუმი გაახანგრძლივეს

სტატიის ავტორი
-