იაპონური სუმოს ასოციაციის გადაწყვეტილებით კორონავირუსის შემდეგ პირველი სუპერტურნირი ჩატარდება.
19 ივლისიდან ტოკიო სუმოს 15-დღიან ტურნირს უმასპინძლებს, რომელში მონაწილეობას ორივე ქართველი მებრძოლი, ლევან გორგაძე ანუ ტოჩინოშინი და თეიმურაზ ჯუღელი ანუ გაგამარუ, მიიღებს.
ტრადიციულად ბაშოს დაწყებამდე რამდენიმე დღით ადრე პირველი ორი დღის ორთაბრძოლები ცნობილია, მე-11 მაეგაშირა ტოჩინოშინი პირველ საბრძოლო დღეს ასევე მე-11 მაეგაშირა შიმანოუმის დაუპირისპირდება.
მეორე საბრძოლო დღე ტოჩისთვის ერთი შეხედვით უფრო რთული უნდა იყოს ვიდრე პირველი, ვინაიდან მისი მეტოქე გამოცდილი ბრაზილიელი რიკიში კაისეი იქნება.
რაც შეეხება გაგამარუს ის რიგით მე-4 ანუ სანდანმეს დივიზიონში იასპარეზებს, ვინაიდან ხსენებული დივიზონი არაელიტარულია 15 დღის განმავლობაში გაგას მხოლოდ 7 შეხვედრის ჩატარება მოუწევს.
Live.ge წარმატებებს უსურვებს ქართველ მებრძოლებს, სუმოს პირდაპირ რეპორტაჟებს კი ტრადიციულად ყოველდღე, დილის 11 საათიდან იხილავთ.