UFC 249-ის ივენთზე მთავარი ბრძოლა ტონი ფერგიუსონსა ად ხაბიბ ნურმაგომედოვს შორის უნდა გამართულიყო, თუმცა კორონავირუსის პანდემიით გამოწვეული შეზღუდვების გამო, ხაბიბმა ბრძოლაში მონაწილეობის მიღება ვერ შეძლო.
დანა უაითს უმოკლეს დროში მოუწია ნურმაგომედოვის ჩანაცვლება და ფერგიუსონის მეტოქედ ჯასტინ გეიჯი დაასახელა. თავდაპირველად უაითის გადაწყვეტილებამ არაერთი გულშემატკივარი გააღიზიანა - ფანებმა აღნიშნეს, რომ გეიჯი ღირსეული წინააღმდეგობის გაწევას ვერ შეძლებდა მაგრამ მოვლენები საპირისპირო სცენარით წარიმართა.
მთავარი სენსაცია UFC 249-ის ივენთის მთავარ ბრძოლაში დაფიქსირდა. ტონი ფერგიუსონი 5 რაუნდის განმავლობაში უმკლავდებოდა ჯასტინ გეიჯის უძლიერეს დარტყმებს თუმცა საბოლოოდ ტექნიკური ნოკაუტით დამარცხდა. ფერგიუსონის მარცხს ნურმაგომედოვი Twitter-ზე გაკეთებული კომენტარით გამოეხმაურა.
ხაბიბმა ჯასტინ გეიჯს გამარჯვება მიულოცა და აღნიშნა, რომ შთამბეჭდავი ბრძოლა იყო.
