კონორ მაკგრეგორმა ოქტაგონზე დაბრუნება დააანონსა - მის სავარაუდო მეტოქედ კი დონალდ სერონი დასახელდა. თავდაპირველად გავრცელებული ინფორმაციით, მაკგრეგორს 2020 წლის 18 იანვარს, ლას ვეგასში უნდა გაემართა ბრძოლა თუმცა უკანასკნელი ცნობების თანახმად, ლეგენდარული ირლანდიელი მებრძოლის UFC-ში დაბრუნება საეჭვოა.
მომდევნო ორთაბრძოლების შესახებ ინფორმაცია UFC-ის ოფიციალურ ვებგვერდზე გავრცელდა - აღსანიშნავია, რომ UFC-ის კალენდარში კონორ მაკგრეგორი საერთოდ არაა ნახსენები და მისი დაბრუნების თარიღი კვლავ უცნობია.