ჟოზე მოურინიო: "დარწმუნებული ვარ დავრჩები, მინდა რომაში მთელი სპორტული ცხოვრება გავატარო"

"მატჩის წინ ბევრი ფინალურ მატჩებში თამაშის გამოცდილებაზე საუბრობდა, მაგრამ ეს არაფერს ცვლის. ფინალი ფინალია, წინასწარ ვერ იმოქმედებ. ჩვენ, სამწვრთნელო შტაბთან ერთად, დიდი მოსამზადებელი სამუშაო ჩავატარეთ: მოწინააღმდეგე შევისწავლეთ და ახალი ტაქტიკა მოვამზადეთ. საბოლოოდ, ერთი დიდი ოჯახივით გავედით მოედანზე და გარკვეული სირთულის მიუხედავად, ასევე დავრჩით. არცერთ იტალიურ კლუბს არ მოუგია ევროთასი 2010 წლის შემდეგ, როცა ეს გავაკეთე "ინტერთან" ერთად ჩემპიონთა ლიგაზე. მას შემდეგ 12 წელი გავიდა - ეს ბევრია ამ ქვეყნისთვის. რაც შეეხება ჩემს მომავალს "რომაში", დარწმუნებული ვარ, რომ აქ დავრჩები, რათა გავაგრძელო მუშაობა. მე ვერ დავტოვებ იმ კლუბს, სადაც პრეზიდენტი აღარ არის ჩემი პრეზიდენტი, არამედ ის ჩემი კოლეგაა. ხოლო ეს გულშემატკივრები და კლუბის თანამშრომლები? ფანტასტიკური ადამიანები, რომლებთან ერთადაც მინდა გავატარო დარჩენილი სპორტული ცხოვრება. ბევრი რამ მიტრიალებს თავში ერთდროულად. თერთმეტი წარმოუდგენელი თვე გავიარეთ და ამ თამაშამდე ცოტა ხნით ადრე, როცა ტურინში ვიყავით, ბიჭებს ვუთხარი, რომ ამ კლუბის ისტორია უნდა დაგვეწერა. ჩვენ ეს შევძელით", - თქვა განსაკუთრებულმა.