ზუკა რურუა: "ამაზე მეტი წყალბურთი არ არსებობს, მოთამაშეები უდიდეს გამოცდილებას იღებენ"

"საბრძოლო განწყობა გვაქვს. წინ ძალიან პრინციპული მატჩი გველოდება. "იადრან სპლიტი" ძლიერი მეტოქეა, თუმცა გვაქვს შანსი - მთავარია, სტაბილურად ვითამაშოთ მთელი მატჩის განმავლობაში და სწორად შევასრულოთ წინასწარ მომზადებული გეგმა. "იადრანი" არ არის გრანდი, რომელიც ჩემპიონთა ლიგის გამარჯვებისთვის იბრძვის, თუმცა გუნდში რამდენიმე ტოპ კლასის მოთამაშეა წარმოდგენილი. ჩვენი ამოცანაა, მათ წინააღმდეგ სწორად ვიმოქმედოთ და ვეცადოთ, რომ პრობლემები შევუქმნათ", - ამბობს იგი.

"წაგება წაგებას მოჰყვა და ცხადია, გულშემატკივარი გულდაწყვეტილია, თუმცა მეორე მხრიდან რომ განვიხილოთ, ასეთ ძლიერ გუნდებთან ასპარეზობა გუნდისთვის ძალიან სასარგებლო იყო. "დინამო თბილისი" ახალგაზრდა მოთამაშეებითაა დაკომპლექტებული და ეს თაობა, უფრო მეტ გამოცდილებას ვერსად მიიღებდა. სხვაგვარად რომ ვთქვათ, ამაზე მეტი წყალბურთი არ არსებობს. შესაბამისად, მიმდინარე სეზონი ჩვენს წყალბურთელებს ინდივიდუალურ პროგრესში გამოადგებათ, რაც "დინამო თბილისისა" და საქართველოს ნაკრების შედეგებზე დადებითად აისახება".

---

"მინდა, რომ ტრიბუნები სავსე იყოს და მჯერა, რომ ასეც იქნება. გელოდებათ კარგი, დაძაბული თამაში, ბიჭები მეტოქეს არაფერს დაუთმობენ", - აღნიშნა ზუკა რურუამ.