Baby Endurance International 2020 - ის გამარჯვებული ქართველი ავტომრბოლელი, ავტოსპორტის სხვადასხვა დისციპლინაში მრავალგზის ჩემპიონი , სანდრო თავართქილაძე გახდა.
12 დეკემბერს საქართველოს საავტომობილო სპორტის ფედერაციის მხარდაჭერით, Simulexe Racing-ისა და ხორვატიული Assetto Corsa Croatia-ის ორგანიზებით, ოფიციალური საერთაშორისო ვირტუალური ენდურანს რბოლა გაიმართა.
ვირტუალური რბოლა ორი საათი გაგრძელდა და მასში სხვადსხვა ქვეყნის 30 წარმომადგენელი იღებდა მონაწილეობას. საქართველოდან შეჯიბრში ათი საუკეთესო სიმ რეისერი ასპარეზობდა.
სანდრო თავართქილაძე ლეგენდარულ ავტოდრომ IMOLA - ზე სრული 68 წრის განმავლობაში დომინირებდა და მიუხედავად მისი მდევარი ტოსკოვიჩის მრავალგზის მცდელობისა, სანდროს მოწინააღმდეგისთვის შანსიც კი არ მიუცია.
მესამე ადგილისთვის ბრძოლა კი უკიდურესად დაძაბული გამოდგა ქართველი გულშემატკივრისთვის, გიორგი დათუაშვილი და გერმან ბულხალცევი ბოლო წამამდე იბრძოდნენ პოდიუმისთვის, მაგრამ ეს მხოლოდ დათუაშვილმა მოახერხა.
2 საათის განმავლობაში ხორვატული Dim Racing-ის წარმომადგენელთან ერთად რბოლას უძღვებოდნენ და კომენტირებას უწევდნენ ლევან მიმინოშვილი და ბექა ჯიქია.
შეგახსენებთ , რომ სსსფ - ს , განათლების, მეცნიერების, კულტურისა და სპორტის სამინისტროსა და “სიმულექს რეისინიგის” ერთობლივი მუშაობით 2020 წელს ჩატარდა “Georgian Digital Championship 2020 “ -ის ჩემპიონატი, სადაც ქართველმა სიმრეისერებმა ძალიან დიდი გამოცდილება მიიღეს.
განათლების, მეცნიერების, კულტურისა და სპორტის სამინისტრო
