ავსტრალიის ღია პირველობა – დღე 5 (რაუნდი 3)

2.61K
ნახვა

2019 წლის პირველი დიდი სლემის ტურნირის მეხუთე დღე დასრულებულია – გთავაზობთ გამორჩეული მატჩების მიმოხილვებს:

სტეფანოს ციციპასი Vs. ნიკოლოზ ბასილაშვილი 

6:3, 3:6, 7:6(7), 6:4 –  ციციპასის სასარგებლოდ.

შეხვედრის ვიდეომიმოხილვა:

 

საქართველოს პირველი და მსოფლიო რეიტინგის მე-20 ნომერი ნიკოლოზ ბასილაშვილი ავსტრალიის ღია პირველობის მესამე რაუნდში რეიტინგის მე-15 საფეხურზე მყოფ ბერძენ ჩოგბურთელ, სტეფანოს ციციპასს შეხვდა. შეხვედრა საკმაოდ დაძაბული გამოდგა, თუმცა საბოლოოდ 4 სეტში მომდევნო ეტაპის საგზური ციციპასმა მოიპოვა, რომელიც როჯერ ფედერერს დაუპირისპირდება.

 

როჯერ ფედერერი Vs. ტეილორ ფრიტსი

6:2, 7:5, 6:2 – ფედერერის სასარგებლოდ.

შეხვედრის ვიდეომიმოხილვა:

 

ყველა დროის ერთ-ერთი საუკეთესო ჩოგბურთელი როჯერ ფედერერი ასაკის მიუხედავად საკუთარ შეხვედრებს საკმაოდ მარტივად 3 სეტში იგებს, გამონაკლისი არც ტეილორ ფრიტსი გამოდგა. მაესტრომ მეტოქე 3 სეტში, საკმაოდ მარტივად დაამარცხა. მომდევნო წრეში როგორც ზემოთ აღვნიშნეთ მაესტროს მეტოქე სტეფანოს ციციპასი იქნება.

 

ალექს დე მინაური Vs. რაფაელ ნადალი

1:6, 2:6, 4:6 – ნადალის სასარგებლოდ.

შეხვედრის ვიდეომიმოხილვა:

 

მსოფლიო რეიტინგის ყოფილი ლიდერი რაფაელ ნადალი, რომელიც ამჟამად მეორე ნომერია ავსტრალიის ღია პირველობაზე შესანიშნავ ფორმაში იმყოფება. მატადორის მეტოქე ადგილობრივი ალექს დე მინაური გახლდათ, რომელსაც დამაჯერებლად, 3 სეტში გაუსწორდა. რაფამ მეტოქეს 3 სეტის განმავლობაში მხოლოდ 7 გეიმი დაუთმო. მომდევნო წრეში რაფას მეტოქე ტომას ბერდიხი იქნება.

 

მარია შარაპოვა Vs. კაროლინ ვოზნიაცკი 

6:4, 4:6, 6:4 – შარაპოვას სასარგებლოდ. 

შეხვედრის ვიდეომიმოხილვა:

 

მსოფლიო რეიტინგის ყოფილი ლიდერი, სრულიად საჩოგბურთო სამყაროსთვის კარგად ნაცნობი მარია შარაპოვა ავსტრალიის ღია პირველობის მესამე რაუნდში მე-3 ჩოგან კაროლინ ვოზნიაცკის შეხვდა, რომელთანაც საკმაოდ დაძაბული ორთაბრძოლის გადატანა მოუწია. დრამატული შეხვედრის გამარჯვებული რუსი ჩოგბურთელი გახლდათ, რომელიც მომდევნო ეტაპზე ეშლი ბარტის შეხვდება.

 

სლოან სტივენსი Vs. პეტრა მარტიჩი 

7:6(6),7:6(5) – სტივენსის სასარგებლოდ.

შეხვედრის ვიდეომიმოხილვა:

 

ამერიკელმა ჩოგბურთელმა სლოან სტივენსმა ავსტრალიის ღია პირველობის მესამე ეტაპზე პეტრა მარტიჩი ძალიან დაძაბულ ორთაბრძოლაში დაამარცხა. მაყურებელმა ორი ტაი-ბრეიკი იხილა, რომლის გამარჯვებულიც ორივე შემთხვევაში სლოან სტივენსი გამოდგა. შემდეგ ეტაპზე სტივენსის მეტოქე ანასტასია პავლიჩენკოვა იქნება.

 

ანჟელიკ კერბერი Vs. კიმბერლი ბირელი

6:1, 6:0 – კერბერის სასარგებლოდ.

შეხვედრის ვიდეომიმოხილვა:

 

მსოფლიო რეიტინგის ასევე ყოფილი ლიდერი ანჟელიკ კერბერი, დიდი სლემის ტურნირის მესამე რაუნდში კიმბერლი ბირელს შეხვდა, რომელსაც უმარტივესად მოუგო. ჯამში გერმანელმა ჩოგბურთელმა მეტოქეს მხოლოდ 1 გეიმი დაუთმო. მომდევნო ეტაპზე კერბერის მეტოქე დანიელ როუზ კოლინსი იქნება.

 

(2608)

ავსტრალიის ღია პირველობა – დღე 5 (რაუნდი 3)

სტატიის ავტორი
-