სულ მალე სტარტს აიღებს აშშ-ის ღია პირველობა, რომელშიც მონაწილეობას იღებს ნიკოლოზ ბასილაშვილი.
ქართველი ჩოგბურთელის ბადე დიდ სლემზე ცნობილია. მსოფლიოს მე-18 ჩოგანი პირველ ეტაპზე მარტონ ფუქსოვიჩს (65) დაუპირისპირდება.
ნიკოლოზისთვის აღნიშნული მეტოქე უცხო არაა. ბასილაშვილს უნგრელთან აქამდე 7-ჯერ უთამაშია.
1/64-ფინალური ეტაპის დაძლევის შემთხვევაში, ქართველი ჩოგბურთელი ტომაშ ბერდიხს შეხვდება.
შეგახსენებთ, რომ ნიკოლოზს დიდ სლემზე 180 ქულა აქვს დასაცავი. წინა წელს მან 1/8-ფინალამდე გააღწია.
