გიორგი მამარდაშვილი ლა ლიგის სეზონის ხუთ საუკეთესო მეკარეს შორის მოხვდა
საქართველოს ნაკრების მეკარე, გიორგი მამარდაშვილი ესპანეთის ლა ლიგის საწყისი 6 ტურის საუკეთესო მეკარეთა ხუთეულში დასახელდა.
აღნიშნული სტატისტიკა ევროპის ერთ-ერთმა წამყვანმა სტატისტიკურმა და შეფასების მონაცემების მწარმოებელმა კომპანია Sofascore-მ გამოაქვეყნა. რაც შეეხება შეფასების კრიტერიუმებს, იგი უშუალოდ თითოეული მატჩის განმავლობაში დაგროვებული კოეფიციენტების დაჯამებით არის მიღებული.
ამ მაჩვენებლების გაერთიანებით, 21 წლის ქართველმა მეკარემ 7.17 ქულა დააგროვა და მეოთხე ადგილი დაიკავა.
Several of LaLiga's goalkeepers started 2022/23 in fantastic fashion, as Villarreal's Gerónimo Rulli leads the in-form pack having kept 4 clean sheets in his 6 league appearances so far.
— Sofascore (@SofascoreINT) September 27, 2022
Giorgi Mamardashvili deserves a mention as the only GK younger than 28 in this top 5! 👏👏 pic.twitter.com/7yVxCgunNa
ხუთეულში პირველ პოზიციას "ვილიარეალის" გოლკიპერი, ხერონიმო რული იკავებს, მას "ბარსელონას" კარის დარაჯი მარკ ანდრე ტერ-შტეგენი მოყვება, მესამე ადგილზე "ალმერიას" მეკარე ფერნანდო მარტინესია, ხოლო ხუთეულს "ბეტისის" რუი სილვა ასრულებს.
მნიშვნელოვანია, რომ ქართველი მეკარე ამ სიაში ყველაზე ახალგაზრდაა, იგი ერთადერთია, რომელიც ამ ნუსხაში 28 წელზე ახალგაზრდაა.
მიმდინარე სეზონში, გიორგი მამარდაშვილმა "ვალენსიას" მაისურით ესპანური ფეხბურთის ელიტაში 6 მატჩი ჩაატარა, 5 გოლი გაუშვა და 2-ჯერ კარის მშრალად შენახვა მოახერხა.
სხვა სტატიები
