გიორგი შერმადინი ობრადორიოსთან გამართული მატჩის MVP გახდა

2 წთ

ესპანეთის საკალთბურთო ჩემპიონატში ქათველმა კალათბურთელმა გიორგი შერმადინმა მორიგი გამორჩეული შეხვედრა ჩაატარა. ესპანეთის ACB ლიგის 24-ე ტურში გიორგი შერმადინის "ტენერიფე" სტუმრად "ობრადორიოს" დაუპირისპირდა და შეხვედრა დამაჯერებლად, 26-ქულიანი სხვაობით ანგარიშით 71:97 მოიგო. პირველი ტაიმის შემდეგ "ტენერიფე" მოტქესთან 1 ქულას აგებდა, მაგრამ მე-2 ტაიმში შერმადინის გუნდი დიდ უპირატესობას დაეუფლა და საბოლოო ჯამში დამჯერებლად მოიგო. "ობრადორიოსთან" შეხვედრაში მორიგი გამორჩეული მატჩი ჩაატარა ქართველმა ცენტრმა. შერმადინმა შეხვედრა სასტარტო ხუთეულში დაიწყო და პარკეტზე 19:54 წუთი გაატარა, რა დროშიც 19 ქულა, 5 მოხსნა და 2 ჩაჭრა მიითვალა. ქართველმა კალათბურთელმა 10-დან 6 ორქულიანი და 7-დან 7 საჯარიმო ჩააგდო. შერმადინის ეფექტიანობის კოეფიციენტი 25-ს გაუტოლდა, რაც ორივე გუნდის რიგებში საუკეთესო შედეგი იყო. შესაბამისად, გიორგიმ მატჩის საუკეთესო მოთამაშის პრიზი დაიმსახურა.

🔘 @gioshermadini impone su ley en Santiago para llevarse el MVP de los nuestros 👇 pic.twitter.com/dRH7AS4UJl
— Lenovo Tenerife (@CB1939Canarias) February 28, 2021

"ტენერიფე" სატურნირო ცხრილში 18 მოგებითა და 5 მარცხით მე-3 პოზიციაზე იმყოფება და მხოლოდ "ბარსელონასა" და "რეალს" ჩამორჩება. შერმადინის გუნდი მომდევნო შეხვედრას სტუმრად "სან პაბლო ბურგოსის" წინააღმდეგ გამართავს.

ვალერიან სიხარულიძე

სხვა სტატიები

შერმადინი რუსეთში ერთდღიანი დაყოვნების შემდეგ შეუშვეს

ქართველების დაპირისპირება ესპანეთში - შერმადინი მატჩის MVP გახდა | მიმოხილვა