კიუშუ ბაშო: დღე VII (ქართველთა და ზოგადი მდგომარეობა, ლიდერთა სია)

543
ნახვა

10 ნოემბერს 2019 წლის უკანასკნელი სუმოს სუპერტურნირი – კიუშუ ბაშო დაიწყო.

კიუშუ ბაშო პირველ რიგში გამორჩეული იმით უნდა ყოფილიყო, რომ ტოჩინოშინს ანუ ლევან გორგაძეს 10 მოგების შემთხვევაში ოძეკის წოდების დაბრუნების შანსი ჰქონდა, თუმცა რიგით მე-4 საბრძოლო დღის ბოლოს, ქართველი სეკიტორი შეჯიბრიდან მოეხსნა, მიზეზი კი ნეკნის მოტეხილობაა, რომელიც ტაკარაფუჯისთან წარმატებული მატჩის შემდეგ მიიღო.

რაც შეეხება, მეორე ქართველ მებრძოლს თეიმურაზ ჯუღელს ანუ გაგამარუს, ის ჯურიოს დივიზიონის მე-12 ნომერია და შვიდი დღის შემდეგ არასახარბიელო შედეგი აქვს – 1 მოგება და 6 მარცხი. მე-8 დღეს გაგას მეტოქე ჯურიოს მე-9 ნომერი სოკოკურაი იქნება.

მაკუუჩი დივიზიონში დანაკლისები მრავლადაა, პირველ რიგში ტურნირს დაწყებამდე იოკოძუნა კაკურიუ და მე-12 მაეგაშირა იჩინოჯო მოეხსნა, მათ ოძეკი გოეიდოც მიყვა, შემდეგ ტოჩინოშინი და წაუგებლად მოასპარეზე ვაკატაკაკაგეც გამოეთიშნენ ასპარეზობას.

ასევე ინტერესს იწვევს კადობანში მყოფი ტაკაიასუს ასპარეზობა, რომელსაც ამჟამად 3 მოგება და 4 მარცხი აქვს.

გთავაზობთ მაკუუჩი დივიზიონის ლიდერთა სიას:

6 მოგება და 1 მარცხი: 

იოკოძუნა ჰაკუჰო 

5 მოგება და 2 მარცხი: 

კ2დ ასანოიამა

მ8დ სადანოუმი

მ10დ შოდაი

მ13ა ჩიომარუ

მ13დ კაგაიაკი

 

(543)

კიუშუ ბაშო: დღე VII (ქართველთა და ზოგადი მდგომარეობა, ლიდერთა სია)

სტატიის ავტორი
-