ამ წუთებში ავსტრალიის ღია პირველობის კენჭისყრა მიმდინარეობს, ნიკოლოზ ბასილაშვილის მეტოქე გარკვეულია, იგი საკვალიფიკაციო რაუნდიდან გადმოსულ მეტოქეს დაუპირისპირდება.
საქართველოს პირველი და მსოფლიო რეიტინგის მე-20 ნომერი ნიკოლოზ ბასილაშვილი გასულ წელს ავსტრალიის ღია პირველობას მესამე რაუნდიდან გამოეთიშა, შესაბამისად მას წლევანდელ ასპარეზზე მინიმუმ ამ ეტაპამდე მიღწევა მართებს, წინააღმდეგ შემთხვევაში ქულებს დაკარგავს და რეიტინგში დაქვეითების საშიშროება დაემუქრება.
