საქართველოს პირველი და მსოფლიო რეიტინგის მე-16 ნომერი ნიკოლოზ ბასილაშვილი დიდ ბრიტანეთში დიდი სლემის ტურნირზე – უიმბლდონზე ასპარეზობს.
ქართველის პირველი მეტოქე ბრიტანელი რეიტინგის 205-ე საფეხურზე მყოფი ჯეიმს უარდი გახლდათ, რომელთანაც ნიკამ დრამატული 5-სეტიანი დაპირისპირება გამართა.
საწყისი ორი სეტის წაგების შემდეგ ნიკამ საკუთარ თავში გამონახა ძალა, რომელმაც მას მიჯრით 3-სეტის მოგება შეაძლებინა, რითაც მან მომდევნო ეტაპის საგზური მოიპოვა.
ამ გამარჯვებით ნიკამ 45 სარეიტინგო ქულა გამოიმუშავა. შემდეგ ეტაპზე კი დანიელ ევანსს დაუპირისპირდება, რომელიც მსოფლიოს 61-ე ჩოგანია.
Live.ge წარმატებებს უსურვებს ქართველ ჩოგბურთელს მომდევნო შეხვედრებში.
