ნონა გაფრინდაშვილმა Netflix-ს სასამართლოში უჩივლა
2 წლის წინ
ქართული სპორტი
2 წთ
"Netflix-მა იცოდა, რომ გაფრინდაშვილი ქართველია, თუმცა ამის მიუხედავად, მას რუსი უწოდა. საბჭოთა კავშირის პერიოდში, ქართველები რუსეთის დომინაციისგან მუდმივ წნეხში იმყოფებოდნენ, მისი დაშლის შემდეგ კი, საქართველო რუსეთის მხრიდან ჩაგვრისა და ოკუპაციის მსხვერპლი გახდა", - ვკითხულობთ სარჩელში.სარჩელში ასევე ხაზგასმულია, რომ ნონა გაფრინდაშვილი აღტაცებული უყურებს გამოგონილ მოჭადრაკეს, რომელიც, თითქოსდა, პირველად უპირისპირდება მამაკაც მოთამაშეს . რეალურად კი, გაფრინდაშვილის მიღწევები იმ პერიოდის მოჭადრაკე ქალებისთვის შთამაგონებელი იყო. იხილეთ მომენტი მინი-სერიალიდან, სადაც ნონა გაფრინდაშვილის როლის შემსრულებელს მაყურებლების ადგილას ვხედავთ.
სარჩელში დეტალურად არის აღწერილი, რომ 1968 წლისთვის (პერიოდი, რომელიც ლაზიერის გამბიტის ეპიზოდში გვხვდება), გაფრინდაშვილს უკვე 59 კაც მოჭადრაკესთან, მათ შორის 10 დიდოსტატთან ჰქონდა ნათამაშები. ასევე მოყვანილია პუბლიკაციები, რომლებიც Netflix-ს არსებულ შეცდომაზე მიუთითებდნენ.
ნონა გაფრინდაშვილის ადვოკატები სარჩელით ლეგენდარული მოჭადრაკისთვის მიყენებული ზიანის ასანაზღაურებლად 5 მილიონ დოლარს ითხოვენ.ნონა გაფრინდაშვილის მიღწევები
გაფრინდაშვილი უდავოდ, ქართული სპორტის ისტორიაში ერთ-ერთი ყველაზე გამორჩეულია. ის არის:მსოფლიოს საჭადრაკო ოლიმპიადების 11-გზის ჩემპიონი (1963, 66, 69, 72, 74, 78, 80, 82, 84, 86, 92); მსოფლიოს ხუთგზის ჩემპიონი (1962; 65; 69; 1972; 75); ევროპის ქვეყნების ჩემპიონთა თასის ორგზის მფლობელი (1969, 72); ჭადრაკის "ოსკარის" პირველი მფლობელი (1982); საქართველოს XX საუკუნის საუკეთესო სპორტსმენი ქალი.
სხვა სტატიები
