სლუცკი: "ქართველების თამაშებს ვუყურე, ხვიჩა უკვე ნაკრების ლიდერია"

"მაკაროვმა, სტარფელტმა და კვარაცხელიამ ბოლოს მოედანზე 90 წუთი გაატარეს. მაკაროვი უკვე გუნდთან ერთადაა, ხვიჩა კი ცოტა ხანში შემოგვიერთდება. ამიტომ, ჩვენი პირველი ამოცანაა, შევაფასოთ, თუ რამდენად მზად იქნებიან ისინი "სოჭისთან" სათამაშოდ. "საქართველოს ნაკრების ყველა თამაშს ვუყურე, მათ შორის შვედეთთან, როცა ის პირველი ტაიმის შემდეგ შეცვალეს. საბერძნეთს თავის სტილში გაუტანა, კარგად შეასრულა ესპანეთთანაც. ჩანს, რომ ხვიჩა ეროვნულ ნაკრებში თავს ძალიან თავდაჯერებულად გრძნობს, ის უკვე გუნდის ერთ-ერთი ლიდერია, ისევე, როგორც "რუბინში"," - ამბობს სლუცკი.