ბორჯღალოსნებთან მატჩის წინ სამხრეთ აფრიკას შესაძლოა 2 ვარსკვლავი გამოაკლდეს
ზაფხულის ტესტ-მატჩებზე, მსოფლიოს მოქმედი ჩემპიონი - სამხრეთ აფრიკა საქართველოს ორჯერ დაუპირისპირდება. "სპრინგბოქსისა" და "ბორჯღალოსნების" დაპირისპირება 3 და 10 ივლისს გაიმართება. რამდენიმე წუთის წინ გავრცელებული ინფორმაციით, სამხრეთ აფრიკის მორაგბეთა ეროვნულ ნაკრებს "ბორჯღალოსნებთან" და "ბრიტანელ და ირლანდიელ ლომებთან" შესაძლოა ორი ლიდერი გამოაკლდეს. დამიან დე ალენდესა და არ ჯეი სნიმანს მრავლობითი დამწვრობები აქვთ, რის გამოც ნაკრებისაგან განცალკევებით, ინდივიდუალურ სარეაბილიტაციო კურსს გადიან. "მანსტერის" ოთხმა მორაგბემ, სამხრეთ აფრიკაში დაბადებულმა ირლანდიელმა სი ჯეი სტანდერმა, დამიან დე ალენდემ, არ ჯეი სნიმანმა და ინგლისელმა მაიკ ჰეილიმ გართობა და პიკნიკზე გასვლა გადაწყვიტეს, რა დროსაც შემთხვევით საწვავით სავსე ავზი აუფეთქდათ. სამხრეთ აფრიკული და ირლანდიული მედია საშუალებების მტკიცებით, დე ალენდესა და სნიმანს ხელების გარდა, ფეხები და სახე აქვთ დამწვარი. სამხრეთ აფრიკელ მორაგბეებს სპეციალური სარეაბილიტაციო კურსის გავლა მოუწევთ, რის გამოც ნაკრებს გამოეთიშნენ. ამ წუთისათვის უცნობია, როდის შეძლებენ დე ალენდე და სნიმანი მოედანზე დაბრუნებას.
Rugby: Springboks stars Damian de Allende and RG Snyman burnt by exploding petrol can https://t.co/0UipLJstdS pic.twitter.com/xpjN1ZuoZa — Super Rugby Fans (@SuperRugbyFans) June 9, 2021
სხვა სტატიები
