დახარვეზებული დოკუმენტების შესახებ იოსებ ტყემალაძე პირველ კომენტარს აკეთებს

“ყრილობაზე დამტკიცებული წესდების ახალი რედაქცია ვერ იქნება მიჩნეული მოქმედი კანონმდებლობისა და რეგისტრირებული წესდების მოთხოვნათა დაცვით მიღებულ დოკუმენტად, რამდენადაც წესდების ცვლილება წარმოადგენს იმ საკითხს, რაც დღის წესრიგში არ შედიოდა და რისი განხილვის უფლებაც კრებას არ ჰქონდა”, – აღნიშნულია საჯარო რეესტრის განცხადებაში.

"ეს ნორმალური პროცედურაა. ამდენი დოკუმენტია შესული, მეც ეხლა გავეცანი, სულ რაღაც 20 წუთია რაც ვნახე და ნორმალური პროცედურაა. წერია რომ წესდების რეგისტრაციაზე რაღაც პროცედურაა დარღვეული და რეესტრი დაზუსტებას ითხოვს, თუ რაზე კეთდება რეგისტრაცია. საჯარო რეესტრია უნდა დაველოდოთ, უნდა მოვუსმინოთ. ხვალ იურისტები ნახავენ და გაასწორებენ. ვიმედოვნებ, სხვა არაფერი არსებობს და რეგისტრაციის პროცესს ჩვეულებრივად გავივლით", - აღნიშნა იოსებ ტყემალაძემ.