ენდი რობერტსონი | "აფრასიძე ახალგაზრდა მორაგბეა, რომელმაც მატჩის მსვლელობა წარმართა"
3 წლის წინ
რაგბი
2 წთ
"იმედგაცრუებული ვარ, საქართველოს წინააღმდეგ ქულის აღება ძალიან გვინდოდა. მატჩის რიგ ეპიზოდებში გუნდმა ეფექტურად იმოქმედა, მაგრამ მომენტების რეალიზება საჭირო დონეზე ვერ შევძელით. ისეთ მეტოქესთან, როგორიც საქართველოა 80 წუთის მანძილზე კონცენტრირება გვმართებს." "საქართველოს მორაგბეთა ეროვნული ნაკრები ქებას იმსახურებს. მათ შესანიშნავად აჩვენეს, როგორ უნდა გამოიყენო შანსები და შეტევაში ბურთს როგორ მოუფრთხილდე. ვფიქრობ, ამ კომპონენტებში "ბორჯღალოსნებს" თვალსაჩინო პროგრესი აქვთ. მათი შეტევების ტემპი და დამაგვირგვინებელი მოქმედებები, განსაკუთრებით აღსანიშნავია." "გელა აფრასიძეს პერსონალურად გამოვყოფ. საქართველოს მორაგბეთა ეროვნულ ნაკრებს ჰყავს ძალიან ახალგაზრდა მორაგბე, რომელმაც მატჩის მსვლელობა წარმართა. რაც შეეხება მამუკაშვილის გაძევებას - ვფიქრობ, წითელი ბარათი დაიმსახურა. იმ ეპიზოდში ერთ-ერთი საუკეთესო მორაგბე დავკარგეთ", - აღნიშნა ენდი რობერტსონმა.