უელსის ნაკრების მთავარმა მწვრთნელმა უეინ პივაცმა შაბათს, ექვსი ერის პირველ ტურში იტალიასთან გასამართი მატჩისათვის ძირითადი შემადგენლობა დაასახელა. "დრაკონებს" კვლავ ალუნ ვინ ჯონსი უკაპიტნებს. ფრთიდან ცენტრში გადაინაცვლა ჯორჯ ნორთმა და ჰედლი პარკსს შეუწყვილდა ხოლო მის ადგილს 14 ნომერზე დებიუტანტი ჯონი მაკნიკოლი დაიკავებს. კიდევ ერთი დებიუტანტია მარქაფაში, "სარასენსის" 24 წლის ცენტრი, ნიკ ტომპკინსი, რომელიც ინგლისშია დაბადებულ-გაზრდილი, და ამავე ქვეყნის 20 წლამდელთა ნაკრებშიც აქვს ნათამაშები, მაგრამ საბოლოო ჯამში უელსის სახელით გამოსვლა არჩია. სრული 23 კაციანი რაზმი კი ასე გამოიყურება:
