ჯონი სექსტონი წლის მორაგბეა (ვიდეო)

„მსოფლიო რაგბიმ“ წლის საუკეთესოები გამოავლინა.

საუკეთესო გუნდად ირლანდიის ნაკრები დასახელდა. „სამყურებმა“ „6 ერის“ გათამაშება დიდი სლემით მოიგეს, წლის განმავლობაში გამართული 12 შეხვედრიდან კი მხოლოდ ერთი დათმეს. წლის საუკეთესო მწვრთნელი ირლანდიელთა ახალ ზელანდიელი დამრიგებელი, ჯო შმიდტი გახდა. “მსოფლიო რაგბიმ“ წლის საუკეთესო მოთამაშედ ირლანდიელი ჯონი სექსტონი დაასახელა. სექსტონმა წლის განმავლობაში ირლანდიის ნაკრების შემადგენლობაში 10 მატჩში მიიღო მონაწილეობა და 99 ქულა დააგროვა. სანაკრებო წარმატების გარდა, ირლანდიელმა მგეზავმა ტიტული საკლუბო დონეზეც მოიგო – „პრო 14“-ის 2017-18 წლების სეზონი მისი კლუბის, „ლენსტერის“ ტრიუმფით დასრულდა. წლის საუკეთესო ლელოს ავტორი კი ახალ ზელანდიელი ბროდი რეტალეკი გახდა.

(97)

სტატიის ავტორი
-