ჯოშ ვან დერ ფლაიერი წლის საუკეთესო მორაგბედ დასახელდა
კვირას, მონაკოში მსოფლიო რაგბის დაჯილდოებაზე ირლანდიელი ფლანკერი ჯოშ ვან დერ ფლაიერი მსოფლიოს საუკეთესო მორაგბედ დასახელდა. 29 წლის მორაგბე მესამე ირლანდიელია, რომელმაც წლის საუკეთესოს ტიტული მოიგო. აქამდე ეს ლეგენდარულმა კიტ ვუდმა და ჯონი სექსტონმა შეძლეს.
🌎 | 𝗪𝗼𝗿𝗹𝗱 𝗣𝗹𝗮𝘆𝗲𝗿 𝗼𝗳 𝘁𝗵𝗲 𝗬𝗲𝗮𝗿
— Leinster Rugby (@leinsterrugby) November 20, 2022
We are so proud of our Josh.💙
From @WicklowRFC to World Player of the Year, a huge congrats to Josh Van Der Flier. 💪#FromThegroundUp pic.twitter.com/Bf4HdkcK6C
„ძალიან გამიმართლა, რომ ასეთი თანაგუნდელები და მწვრთნელები მყავს. ჩემს მეუღლესთან და ოჯახთან ერთად, ძალიან დიდი წვლილი მიუძღვით ჩემს წარმატებაში. გამიმართლა, რომ ძალიან გამოცდილი თანაგუნდელები მყავს, როგორც ნაკრებში, ასევე "ლენსტერში". ყოველთვის ვიცოდი, რომ წარმატების მისაღწევად ბევრი უნდა მეშრომა და ეს ყველაფერი ამის დამსახურებაა." - განაცხადა ვან დერ ფლაიერმა ჯილდოს მოგების შემდეგ.
ირლანდიამ საკუთარი საერთაშორისო სეზონი დუბლინში, ავსტრალიასთან 13:10 გამარჯვებით დაასრულა. ალბათ არ იქნება გასაკვირი, რომ ვან დერ ფლაიერი ამ მატჩში ერთ-ერთი გამორჩეული იყო.
სხვა სტატიები
