ლეგენდარული ბრაიან ო'დრისკოლი გიორგი კვესელაძის ბრწყინვალე თამაშს გამოეხმაურა
შემოდგომის ერთა თასის, მესამე ტურის საუკეთესო მორაგბის ტიტულისთვის სახელოვან ინგლისელ, უელსელ და ფრანგ მორაგბეებთან ერთად, გიორგი კვესელაძე იბრძვის. საქართველოს მორაგბეთა ეროვნული ნაკრების ცენტრმა, ირლანდიის წინააღმდეგ 17 ბოჭვა შეასრულა და ბურთით 59 მეტრი მოიგო, რომელიც შესანიშნავი ლელოთი დააგვირგვინა. ირლანდიური და მსოფლიო რაგბის ლეგენდა - ბრაიან ო'დრისკოლი, გიორგი კვესელაძის ბრწყინვალე თამაშით აღფრთოვანებულია და ევროპულ კლუბებს მის გაფორმებას ურჩევს. 1999-2014 წლებში ო'დრისკოლმა ირლანდიის მორაგბეთა ეროვნული ნაკრების შემადგენლობაში 133 კეპი მოიხვეჭა და ირლანდიური რაგბის ლეგენდად იქცა. Twitter-ზე განთავსებულ პოსტში, ო'დრისკოლმა გიორგი კვესელაძე შეაქო და ევროპულ კლუბებს მისი შეძენა ურჩია. "ევროპული კლუბი რომ ვიყო, რომელიც მომავალი წლისთვის ცენტრს ეძებს - შაბათს ჩატარებული თამაშის გამო, გიორგი კვესელაძეს სერიოზულად დავაკვირდებოდი. ბრწყინვალე ლელოს პარალელურად, კვესელაძემ დაცვაშიც შესანიშნავად ითამაშა. დამანგრეველი & მებრძოლი. კვესელაძე შესაძლოა მატჩის საუკეთესო მოთამაშე გამხდარიყო", - აღნიშნა ბრაიან ო'დრისკოლმა.
If I was a European club looking for a centre next year (contract dependent) I’d be having a serious look at Giorgi Kveseladze (13) for Georgia on Saturday. Besides the excellent try he really gets the defensive part of his game too. Abrasive & hard working. Could have been MOTM — Brian O'Driscoll (@BrianODriscoll) November 30, 2020
ასევე იხილეთ: კვესელაძე, ანდერჰილი, უილიამსი – ვინ გახდება მესამე ტურის საუკეთესო მორაგბე?
სხვა სტატიები
