ლევან მაისაშვილი | თამაშის გარდასატეხად ორივე ტაიმში დიდი ძალისხმევა დაგვჭირდა
2022 წლის რაგბი ევროპის ჩემპიონატის ფინალურ შეხვედრაში, საქართველოს მორაგბეთა ეროვნული ნაკრები ესპანეთს დაუპირისპირდა. თბილისში, “დინამო არენაზე” გამართული მატჩი “ბორჯღალოსანთა” დამაჯერებელი გამარჯვებით, 49:15 დასრულდა. საქართველოს მორაგბეთა ეროვნულმა ნაკრებმა ამ გამარჯვებით, რაგბი ევროპის ჩემპიონატის მე-14 ტიტული მოიპოვა, რომელიც საკუთარი გულშემატკივრის თვალწინ აღნიშნა.
მატჩის დასრულების შემდეგ გამართულ პრესკონფერენციაზე, საქართველოს მორაგბეთა ეროვნული ნაკრების მთავარმა მწვრთნელმა – ლევან მაისაშვილმა საინტერესო კომენტარი გააკეთა.
ლევან მაისაშვილი: “ფინალი ყოველთვის განსხვავებული თამაშია და რთული შეხვედრა რომ გველოდა თავიდანვე ვიცოდით. გარდა ამისა, წელს ესპანეთი სხვა გუნდებთან შედარებით აშკარა ფავორიტი იყო. თამაშის გარდასატეხად ორივე ტაიმში დიდი ძალისხმევა დაგვჭირდა”.
“კონსტრუქციული კრიტიკა ძალიან კარგია და ხშირ შემთხვევაში, ეს გარკვეულწილად მოტივაციასაც გვაძლევს, თუმცა ხშირი იყო დაუსაბუთებელი განცხადებები, რაც საწყენია. ერთი რამ უნდა გავითვალისწინოთ – ჩვენ გვექნება რთული თამაშები, რადგან ყველა ისე გვიყურებს, როგორც ფავორიტს და ცდილობენ მაქსიმალურად კარგად ითამაშონ. გარდა ამისა, ყველა გუნდმა თაობათა ცვლის პროცესი 4-5 წლის წინ გაიარა და ტურნირს კარგად მომზადებულები შეხვდნენ, ჩვენ კი ამ პროცესს ახლა გავდივართ”.
“არის კიდევ ერთი მომენტი – ყოველთვის გვიჭირს ტურნირის დაწყება, რადგან მოსამზადებლად ცოტა დრო გვაქვს და სანამ გუნდი აეწყობა, არის პრობლემები. თუ გავიხსენებთ პირველ თამაშს, მთელი კვირა ფორს-მაჟორში გავიარეთ. გუნდის 40%-ს, მწვრთნელიან მოთამაშეებიანად ომიკრონი შეხვდა და აბსოლიტურად მოუმზადებლები ვიყავით. მეორე თამაში კარგად ჩავატარეთ, რუმინეთთან სტუმრად თამაში კი მარტივი არასდროსაა. Play Blackjack online, Roulette online, https://clickmiamibeach.com/ Slots, Video Poker online, Craps online for real money. ბუქარესტში მოვიგეთ, მაგრამ ისეთი კრიტიკა მივიღეთ, მე და „ბუკა“ ერთმანეთს ვეკითხებოდით, ხომ არ წავაგეთთქო. დიახ, ესპანეთთან საუკეთესო თამაში ვაჩვენეთ. დრო გვჭირდება სტაბილურობის მისაღწევად”.
“ბოლო წლებში მსოფლიო რაგბმა წესებში ისეთი ცვლილებები შეიტანა, რომ შერკინებაში ერთპიროვნული დომინაცია ნებისმიერ გუნდს უჭირს. დინამიკა, ცვლილებები, ყველაფერი იქეთ მიდის, რომ აუცილებელი იყო ჩვენი თამაშის სტილის შეცვლა. გარდა ამისა, გუნდი დატოვა არაერთმა ძალიან ძლიერმა მორკინალმა, რომელთა ჩანაცვლება ასე მარტივი არ არის. ლოგიკურია, რომ ასეთ სიტუაციაში თამაშის სტილის შეცვლაზე უნდა გვეფიქრა. არის კიდევ ერთი მომენტი. ყველა გუნდი, ვინც ჩვენთან სათამაშოდ ემზადება, განსაკუთრებულ ყურადღებას უთმობს შერკინებაში თამაშს. ისედაც საჭირო იყო ბალანსი შერკინებასა და ხაზის თამაშში და ამ ყველაფერმა ეს კიდევ უფრო დააჩქარა. აქ თავისი წვლილი მიუძღვის ‘შავ ლომს’, სადაც ხაზის მოთამაშეების 80% გვყავს, მათთან მთელი წლის განმავლობაში მიდის მუშაობა და ეს დაგვეტყო როგორც ნოემბრის ტესტებზე, ასევე რაგბი ევროპის ჩემპიონატზე. ვაგრძელებთ მუშაობას და ვეცდებით პრობლემები კიდევ უფრო შევამციროთ”.
წყარო: საქართველოს რაგბის კავშირი
სხვა სტატიები
