მსოფლიო რაგბი ბულინგის მსხვერპლი ბავშვის გასამხნევებლად გაერთიანდა

მარკ პაგსლიმ სოციალურ ქსელებში პოსტი გამოაქვეყნა, რომელშიც აღნიშნავს, რომ მისი 12 წლის შვილი ბულინგის მსხვერპლი გახდა. პაგსლის მტკიცებით, ვარჯიშზე გადაღებულ ფოტოს, იდიოტები დამცინავი კომენტარებით გამოეხმაურნენ - ამ ყველაფერმა კი მის შვილზე ძალიან ცუდად იმოქმედა.

"იძულებული ვარ Facebook-ზე განთავსებული პოსტი წავშალო, რადგან იდიოტებმა დაწერეს, რომ 12-წლამდელთა გუნდში სათამაშოდ, ჩემი ბიჭი ძალიან "დიდია". არ იციან რამდენს შრომობს წონის დასაკლებად და რა ენთუზიაზმით გამოირჩევა მოედანზე. არ ინერივულო ალფი, ყოველთვის შენი ყველაზე დიდი გულშემატკივარი ვიქნები". 

Alfie mate, you keep enjoying the rugby. Always try your best, but always enjoy it. Your doing well keep going. I’ll come along to ref one of your games one day and will look forward to it. Keep smiling my friend 🏉 — Nigel Owens MBE (@Nigelrefowens) January 23, 2022

"ალფი, რაგბი არის თამაში, რომელიც განკუთვნილია ყველა ზომისა და ფორმის მოთამაშისთვის, იყავი ძლიერი და ისიამოვნე ამ ლამაზი თამაშის თითოეული მომენტით. დაიმახსოვრე, რაგბი არის გლობალური ოჯახი. მოუთმენლად ველით, ფორვარდის ამპლუაში შენს საერთაშორისო დონეზე ხილვას", - აღნიშნულია საქართველოს რაგბის კავშირის განცხადებაში.