დღეს, 31 აგვისტოს, თბილისის დროით 20:00 საათზე ბორჯღალოსნები ისტორიულ მატჩს ჩაატარებენ, სადაც შოტლანდიის ნაკრებს დაუპირისპირდებიან. მატჩი დინამო არენაზე შედგება.
ბორჯღალოსნები შინ საკმაოდ კარგად თამაშობენ, შესაბამისად იშვიათად თუ მარცხდებიან.
საქართველოს მორაგბეთა ეროვნული ნაკრები საკუთარ კედლებში ბოლოს 2016 წლის 12 ნოემბერს, იაპონიის ნაკრების წინააღმდეგ დამარცხდა. მატჩი მიხეილ მესხის სახელობის სტადიონზე გაიმართა, სადაც იაპონელებმა 22:28 დაგვამარცხეს.
ფოტო: რაგბის კავშირი
