Rugby Europe | მორიგი ქართველი ამომავალი ვარსკვლავი მამის კვალდაკვალ

"როდესაც კახა ალანიას შვილი ხარ, მუდმივად ისმენ ისტორიებს, თუ რამდენად მნიშვნელოვანი და გამორჩეული მორაგბე იყო. ის ძალიან კარგი იყო ბურთის წაღებაში და ბრწყინვალე პასი ჰქონდა. მსმენია მატჩის შესახებ, რომელშიც საქართველომ რუსეთი დაამარცხა - მაშინ ძალიან პატარა ვიყავი და ბევრი რამ კარგად არ მახსოვს. ძალიან მაინტერესებდა და მინდოდა აღნიშნული დაპირისპირების ყურება. სამწუხაროდ, ვიდეო ჩანაწერის მოძიება ვერ შევძელი. უზომოდ ამაყი ვარ, რომ აღნიშნულ გამარჯვებაში მამა მონაწილეობდა და მნიშვნელოვანი წვლილი შეიტანა."

"13-14 წლის ვიყავი, როდესაც გადავწყვიტე, რომ რაგბი სპორტის ის სახეობაა, რომლითაც მსურს დავკავდე. ძალიან მინდოდა საკუთარი შესაძლებლობების სპორტის ამ სახეობაში გამოცდა. ვარჯიში "ჩოხოსნების" სარაგბო კლუბში დავიწყე, სადაც მამის მეგობრების შვილები თამაშობდნენ. კახა და მე განსხვავებულ პოზიციებზე ვთამაშობდით - ის ცენტრი იყო. მიუხედავად ამისა, ის ჩემთან ძალიან დიდ დროს ატარებდა, რათა სარაგბო უნარების განვითარებაში დამხმარებოდა, ჩემი შესაძლებლობები დაეხვეწა დ ოფლოუდები ესწავლებინა." "გამომდინარე იქიდან, რომ ძალიან ბევრი რამ ვისწავლე, საქართველოს U-20 მორაგბეთა ნაკრებთან საკმაოდ პოზიტიური მოგონებები მაკავშირებს. საკმაოდ ძლიერი სამწვრთნელო გუნდი და პროფესიონალი პერსონალი გვემსახურებოდა." "გუნდთან ერთად ვარჯიში სამი წლით ადრე შემომთავაზეს. მოგვიანებით, როდესაც ასაკობრივ ნაკრებში ასპარეზობისთვის შესაბამის ასაკს მივაღწიე, თავს ძალიან კომფორტულად ვგრძნობდი. 2019 წელს, არგენტინაში გამართულ U-20 რაგბის მსოფლიო თასზე, ახალი ზელანდიის წინააღმდეგ ვითამაშე. ასაკობრივი ჯგუფის მიუხედავად, "ოლ ბლქესის" წინააღმდეგ თამაშზე ნებისმიერი მორაგბე ოცნებობს - დაუვიწყარი მოგონებები დამრჩა."

"20-წლამდელებთან ერთად, U-20 მსოფლიო თასზე ვიყავი, როდესაც საქართველოს მორაგბეთა ეროვნული ნაკრების მთავარი მწვრთნელის შეტყობინება მივიღე, რომელიც ეროვნულ ნაკრებთან ერთად ვარჯიშის შესაძლებლობას მთავაზობდა. სახლში ძალიან გახარებული დავბრუნდი. ოჯახის ტითოეული წევრი, რომლებიც მთელი გულით მგულშემატკივრობენ იგივეს გრძნობდნენ. მაშინ თამაშის შესაძლებლობა არ მომეცა, თუმცა უდიდესი გამოცდილება მივიღე, რომელმაც ეროვნულ ნაკრებში თამაშის წყურვილი კიდევ უფრო გამიმძაფრა."

"მათ წინააღმდეგ განსაკუთრებით თავდაჯერებულები ვიქნებით მოედანზე, რადგანაც მსოფლიოს უძლიერეს ნაკრებებს შევერკინეთ და დავამტკიცეთ, რომ მაღალი დონის ერებთან თამაშს ვიმსახურებთ. "შემოდგომის ერთა თასზე" ასპარეზობის პერიოდში მთელი თვის განმავლობაში ერთად ვიყავით და ერთმანეთს ძალიან დავუახლოვდით. მატჩიდან - მატჩამდე ვვითარდებოდით და გულშემატკივარს გაცილებით უფრო მაღალი დონის პერფორმანსს ვთავაზობდით." "2021 წელს, ჩემს მთავარ მიზანს მწვრთნელების ნდობის მოპოვება და ეროვნულ ნაკრებში ფეხის მოკიდება წარმოადგენს. დარწმუნებული ვარ ამ შესაძლებლობას მივიღებ და ქვეყნის წარმატებისთვის თავს არ დავზოგავ", - აღნიშნა მიხეილ ალანიამ.