29 სექტემბერს, თბილისის დროით 09:15 საათზე, საქართველოს მორაგბეთა ეროვნული ნაკრები რაგბის მსოფლიო თასზე ჯგუფური ეტაპის მეორე შეხვედრას ურუგვაის ეროვნული ნაკრების წინააღმდეგ გამართავს.
მოგეხსენებათ, რომ ურუგვაელები მიმდინარე მსოფლიო ჩემპიონატის პირველი და დიდი სენსაციის ავტორები არიან - მათ ფიჯის ეროვნული ნაკრები, ანგარიშით 30:27 დაამარცხეს.
ურუგვაელების შემადგენლობა ბორჯღალოსნებთან თითქმის იდენტური იქნება, რაც იყო ფიჯისთან - მათ მხოლოდ ორი ცვლილება აქვთ.
დიეგო არველოს და მანუელ დიანას ნაცვლად ქართველთა წინააღმდეგ ხუან პედრო რომვისი და ალეხანდრო ნიეტო იასპარეზებენ.
