ვინ გახდება Top 14-ის საუკეთესო მელელოვე და რატომ ნინიაშვილი?!

საფრანგეთის Top 14-ის 2022/23 წლების სეზონის დაწყებამდე, 1 თვეზე ნაკლებია დარჩენილი. ევროპისა და მსოფლიოს ერთ-ერთი გამორჩეული საკლუბო სარაგბო ჩემპიონატის დაწყების წინ, გავლენიანი ფრანგული გამოცემა Rugbyrama ვრცელ სტატიას აქვეყნებს და სვამს კითხვას: ვინ გახდება Top 14-ის 2022/23 წლების სეზონის საუკეთესო მელელოვე?

Rugbyrama-ს რედაქციამ, Top 14-ში მოასპარეზე 10 საუკეთესო მორაგბე გამოავლინა, რომლისგანაც გულშემატკივარი განსაკუთრებულ სანახაობას უნდა ელოდოს. გამოცემის ვარაუდით სეზონის საუკეთესო მელელოვე სწორედ ამ 10-დან ერთ-ერთი გახდება.

ქართველი გულშემატკივრისათვის განსაკუთრებით საინტერესოა ის გარემოება, რომ ავტორიტეტულმა ფრანგულმა გამოცემამ, საუკეთესო მელელოვეთა პოტენციურ ათეულში დავით ნინიაშვილი დაასახელა. ნამდვილად შთამბეჭდავი მიღწევაა, განსაკუთრებით იმ ფონზე, რომ “ლიონში” ჯოშუა ტუისოვა ასპარეზობს, რომელმაც Top 14-ის გასულ სეზონში 14 ლელოს დადება შეძლო.

დავით ნინიაშვილი

გაცილებით მარტივი იქნებოდა, თუ ჯოშუა ტუისოვას დავასახელებდით – ფიჯელმა ფენომენმა Top 14-ის გასულ სეზონში 14 ლელოს დადება შეძლო და საუკეთესო მელელოვე გახდა, თუმცა, გავრისკეთ და უფრო გაბედულ ფსონს, დავით ნინიაშვილზე ჩამოვდივართ. ქართველი მორაგბე ზრდასა და განვითარებას არასდროს წყვეტს. ახალგაზრდა მორაგბისათვის განსაკუთრებით წარმატებული სეზონის ბოლო გამოდგა. ნინიაშვილმა “ჩელენჯ ქაფის” ფინალში ბრწყინვალედ იასპარეზა და ფინალური მატჩის საუკეთესო მოთამაშედ დასახელდა. თბილისელი ბავშვი შესაძლოა “ლიონის” უკანახაზის X ფაქტორი გახდეს. ჩარლი ნგატაისა და პიერ-ლუის ბასარის გუნდიდან წასვლის შემდეგ, ნინიაშვილს, რომელიც “ლიონში” დარჩა კიდევ უფრო მეტი დრო მიეცემა. ამავდროულად, ნინიაშვილი, რომელიც კვლავ “ლიონშია” მოწადინებულია, რომ ახალი ნაბიჯი გადადგას.


ვინ გახდება Top 14-ის საუკეთესო მელელოვე და რატომ ნინიაშვილი?! 1


დავით ნინიაშვილთან ერთად, Rugbyrama-ს რედაქციამ Top 14-ში მოასპარეზე ვარსკვლავები დაასახელა. ზოგიერთი მათგანის სახელი მსოფლიოს მასშტაბითაა ცნობილი – ათეულის წევრებმა საკლუბო და სანაკრებო დონეზე მრავალ პრინციპულ დაპირისპირებაში მიიღეს მონაწილეობა.

Top 10 მორაგბე, რომელიც შესაძლოა სეზონის საუკეთესო მელელოვე გახდეს: ბაპტისტ კულილუ (“ლიონი”), ანტუან დუპონი (“ტულუზა”), ხუან იმჰოფი (“რასინგ 92”), ბენ ლამი (“მონპელიე”), მატის ლებელი (“ტულუზა”), დავით ნინიაშვილი (“ლიონი”), დამიან პენო (“კლერმონი”), მადოშ ტამბვე (“ბორდო”), ტედი ტომასი (“ლა როშელი”), ვაისეა (“ტულონი”).

Rugbyrama ხმის მიცემის შესაძლებლობას გულშემატკივრებსაც აძლევს. რჩეული მორაგბისათვის ხმის მიცემას, აღნიშნულ ბმულზე შეძლებთ.

 

ვინ გახდება Top 14-ის საუკეთესო მელელოვე და რატომ ნინიაშვილი?!

სტატიის ავტორი
-